Mop Papua Part 2

Sms Ato Teleponkah

Pace noge marten serui baru pegang yang namanya hp
Saat hp ditangannya hp berbunyi
Pace marten dia angkat hp lalu dia bilang : halo…halo… ini sms ato telpkah…..
hahaha...

Pulsa Meti

Pace marten yang baru tau hp mau telp, tapi pulsa su meti
Pace tekan nomor teman ada nada peringatan dari operator telepon :
Pulsa kartu pra bayar anda akan segera habis…bla…bla.. sisa lima ratus tujuh puluh lima rupiah silahkan isi kartu pra bayar anda….bla…..bla…
Pace dia bingung lalu dia teriak : tapi masih bisa sms to…..
hehehehe....

Pancuri Mangga
Ada bayau (polisi) satu yg di pos polisi k ini... pace liat bgini... ada anak2 kcl dorang main2 di dpn pos jd pace panggil dorang..
BAYAU: ade, kam sini dolo...
ANAK2: [lari ke pos] bgmn kk...
BAYAU: kam naik mangga tuh k...
ANAK2: adoh, kk pace yg p mangga tuh... da` jahat skali...sumbu pendek..
BAYAU: ah, trapapa ntar kk yg bicara...
ANAK2: ok baik... tra lama bgini... pace yg p mangga datang sambil bawa panah..
PACE : eh... setannn!!! anak2 kurang ajar! tukang pancuri!!! kam turun cepat!!
ANAK2: aeh... malas!!! kk yg sana yg suruh ktong naik...
PACE : yg mana??? kam panggil dia cepat... klo trada z sihir kam nanti..
anak2 blom turun lagi pace bayau ko datang baru sapa pace k ini..
BAYAU: [pegang pace p pundak] adoh, bapa z minta maaf z yg suruh ade dorang panjat...
PACE : [kaget campur gugup k ini] ah... trada anak, bapa bilang... dorang turun dari pohon yg ini trus lanjutkan di pohon yg sebelah lagi...
Da pu panakut tuh... hahahaha :D

Pesan Minuman Di Warung

Ada 4 orang bersahabat 1 orang makasar,manado,buton,ambon. Jadi dong empat masuk warung tapi dengan 1 syarat harus pesan minuman sesuai dengan asal daerah, jd pace dari makasar pesan duluan.
“ mba ada kratingdaeng k..? “
“trus manado mba ada Extra jos k..?,”
“trus buton mba ada La segar k…”
Trus tinggal pace ambon, de pikir-pikir ba dong semua su pesan minuman yang enak baru z pesan apa ee… De pikir-pikir trus de bilang ” sdh mba z pesan ini saja sdh ada BETA dine k..?
hehehe....

Obat Awet Muda

Cucu 1 de perhatikan nene dan tete yang tiap hari berusaha untuk awet muda. Mulai dari dandan, cat rambut, dll.
Pas cucu kuliah di Jepang ada obat yang bisa bikin awet muda. Cucu kirim 12 tablet untuk nene.
Aturan pakai 1 tablet umur turun 10 tahun. Nene minum 4. Pas cucu liburan sampe depan rumah ada ibu cantik gendong bayi.
Cucu tanya, “Ibu ada z punya nene ka?” Ibu jawab,” Cucu ini nene sudah..”, Bru tete ?” Nene jawab ” Aeeh.. obat tu 4 yang nene minum.
Sisanya tu 8 tete telan semua. Ini yang nene gendong Tete sudah”.

Sombong Deng Alkitab

Ada tete 1 ni de malam minggu mabuk sampe pagi jadi ta tidur di para-para.
Begini cucu deng nene dong su rapi mo pi Gereja, nene pegang ALKITAB besar Jaman Belanda di sebelah kiri baru gandeng cucu.
Pas lewat para-para cucu bilang : ”nene itu tete yang tidur to?” cucu deng nene rapat dekat! Tete asik tidur baru nene batariak di tete pu telinga : ”SLAMAT PAGI IBLIS!”
Tete cuma liat nene dengan ekor mata saja baru bilang :IYO…JALAN SOMBONG DENGAN ALKITAB BESAR, HABIS TAU BACA JADI”……